Færsluflokkur: Bloggar

Gott hjá henni

Ef þið skoðið aðra fréttamiðla á Íslandi jafn mikið og Morgunblaðið þá rekist þið á nokkrar fréttir og umræður sem eru byggðar á öðru en pirringi í garð ríkisstjórnarinnar

Þannig kemur fram á forsíðu Fréttablaðsins í dag að tekjuminnstir hafa misst minnst - http://vefblod.visir.is/index.php?netpaper=147

Þetta þykir ekki einu sinni frétt á mbl.is - hér stendur að það þurfi nýja peningamálastefnu og Ísland lækkar á lífskjaralista. Segir það ekki eitthvað um heilagan sannleik Morgunblaðsins?

Og hér er frétt um hversu heimtufrekir Íslendingar eru - http://www.pressan.is/pressupennar/Lesagrein/heimtufrekasta-thjod-i-heimi

Þetta eru greinar sem eru byggðar á rannsóknum og þó manni finnist sannleikurinn oft sár að þá má lesa það úr bók sem heitir Staðbundin Stjórnmál og er kennd á fyrsta ári í stjórnmálafræði að þegar hægri öfl eru við völd þá er allt gert til að gera vel við sig hvað sem það kostar, en síðan er vinstri stjórn kosin þegar allt er komið í bál og brand vegna skulda og óráðsíu.

Auðvitað er svona stjórn óvinsæl og lifir því yfirleitt ekki lengi. Við viljum halda áfram að trúa því að enginn þurfi að safna fyrir neinu og allt lagist að sjálfu sér.

Margir virðist halda að það sér hægt að veifa einhverjum töfrasprota og allt komist í lag. Það er mikill hávaði og fólk espir hvert annað upp, en fáir reyna að koma með vel ígrundaðar lausnir.

Sagði einhver þjóðstjórn? Ef þið viljið þjóðstjórn þarf að setja fram einhverja áætlun og rannsóknir, ekki bara apa þetta orð eftir einhverjum öðrum. Það ætti ekki að framkvæma eitthvað sem ekki hefur verið skipulagt fyrirfram. Áður en þú rífur niður þarftu að vita hvar, hvernig, hvenær, hvers vegna og fyrir hverja þú ætlar að byggja í staðinn.

Hvað sagði Bjarni Ben í fréttum nýlega? Þeir væru sko ekki tilbúnir að fara í einhverjar málamiðlanir með þeirra hugmyndir og stjórnarandstaðan eins og hún lagði sig smitast af þessari hugsun. Ríkisstjórnin hefur skoðað hugmyndir þeirra, en stjórnarandstaðan vill ekki einu sinni setjast niður og ræða málin þegar ríkisstjórnin hefur loksins fengið eitthvað í hendurnar til að byggja vinnuna á (rannsóknir reiknimeistara). Fólk er bara í fýlu eins og leikskólakrakkar í stað þess að opna sig fyrir málamiðlunum.


mbl.is Jóhanna: sit út kjörtímabilið
Tilkynna um óviðeigandi tengingu við frétt

Tapsár höfðingi?

Fyrirsögnin er lýsandi fyrir hrokann í ákveðnum flokksmeðlimum. Er hissa á hvað Sjálfstæðisflokkurinn kom vel út í kosningunum (ekki bara í Reykjavík) miðað við hversu augljóslega Framsóknarflokki var refsað.

Ef Sjálfstæðisflokkurinn væri í samningaviðræðum við Bezta væri örugglega ekki talað um valdatöku í Morgunblaðinu. Þegar ég las fyrirsögnina hélt ég að þetta væru fréttir af óeirðum utan úr heimi.


mbl.is Undirbúa valdatöku
Tilkynna um óviðeigandi tengingu við frétt

Hvort var hún bitin í nefið eða höndina?

Ég bara spyr. Kannski var hún bitin í nefið af einhverjum öðrum fyrst hún er á sýklalyfjum eftir nefbitið Wink
mbl.is Bitin af sendiráðsstarfsmanni
Tilkynna um óviðeigandi tengingu við frétt

Hverjir hlupu apríl?

Þetta var nú frekar augljóst aprílgabb, en gaman væri að vita hvort einhverjir hlupu á snærið (eins og köttum er einum lagið)
mbl.is Keppt í kattasmölun í dag
Tilkynna um óviðeigandi tengingu við frétt

Vona að ég líti svona vel út þegar ég verð fertug

Ég hef alltaf dáðst af Páli Óskari fyrir það að hann er sá sem hann er. Hreinskilinn og ekki feiminn við að taka á erfiðum málum. Hann vinnur við það sem hann hefur gaman af og leggur hart að sér til að allir skemmti sér sem best. Það væri óskandi að fleiri væru í þeirri stöðu að vera sáttir við sig og sitt. Ég hlakka til að fylgjast með afrekum hans næstu 40 árin.
mbl.is Páll Óskar varð fangi klámsins
Tilkynna um óviðeigandi tengingu við frétt

Hver þjóð skilur sínar þarfir best

Ég átti gott samtal við vitra konu varðandi evru og ESB.

Málið er að við erum sjálfbær þjóð á lítilli eyju úti á ballarhafi. Hvernig eiga ríkisbubbar í Brussel að hafa skilning á því ef við verðum fyrir aflabresti og viljum mæta því með því sem við teljum best. Í hvert sinn sem við myndum vilja breyta einhverju í samræmi við breyttar aðstæður yrði það að fara á langan lista ráðamanna í landi sem hafa allt aðrar þarfir en við eyjaskeggjarnir.

Okkar mál færu ekki ofarlega í forgagnsröðina, þetta litla þorp úti á ballarhafi. Ja, ekki nema drottnarar okkar sjái fjárhagslegan ávinning fyrir sig og sína. Ó já og við verðum svift fjárræðinu í þokkabót og fáum skömmtunarmiða í líkingu við þá sem eldri kynslóðin man eftir. Allt okkar verður þeirra og okkur ber að hlýða því sem þetta fólk vill gera við auðlindir okkar. Af hverju í ósköpunum er ekki hætt að hugsa um þessi ESB og evrumál og farið að huga að innviðum samfélagsins okkar.

Mig langar ekki í evru, mig langar í réttlæti.

Það ætti að vera forgangsmál hjá ráðamönnum okkar.


mbl.is Svíar snúast gegn evru
Tilkynna um óviðeigandi tengingu við frétt

er hún ekki Í Gufunesi?

Án þess að ég tjái mig meira um þessa frétt þá hef ég aldrei heyrt um Áburðarverksmiðjuna á Gufunesi eins og stendur í texta undir myndinni.
mbl.is Áburðarverksmiðjan dæmd til að greiða skaðabætur
Tilkynna um óviðeigandi tengingu við frétt

Töfralausnir stjórnarandstöðunnar

Núú, er þetta ekki svona einfalt eftir allt saman?

Ég fagna því að stjórnarandstaðan hafi verið tekin með í samningaviðræðurnar, þetta fólk hættir þá að básúna alla þessa möguleika sem eru (ekki) í stöðunni. Gerir fólki í kleyft að vinna sína vinnu og eykur skilning meðal þjóðarinnar. Stjórnarandstaðan getur ekki verið á móti lengur því nú situr hún við hlið ríkisstjórnarinnar. Búin að komast að því að þó það séu miklar og góðar hugmyndir uppi á borðum þá þarf 2 til að dansa tangó og það eru fyrst og fremst Bretar og Hollendingar sem stíga á tærnar á Íslendingum, ekki ríkisstjórn Íslands. Spjótunum er kannski beint í réttari átt núna í staðinn fyrir þetta innherjarrifrildi sem er búið að vaða uppi síðan IceSave skandallinn kom upp.


mbl.is Vilja 2,75% álag á vexti
Tilkynna um óviðeigandi tengingu við frétt

Konur og stúlkubörn eru óæðri, hver vegna ekki að nota þau sem skildi?

Þessi frétt kemur mér því miður ekki á óvart. Nú fyrir stundu kláraði ég að lesa bók sem Jean P. Sasson skrifaði og kom út í íslenskri þýðingu árið 1994. Þessi merkilega bók, Í fjötrum, segir frá lífi konu í Saudi-Arabíu. Því miður hefur ástandið ekki breyst og mun ekki breytast fyrr en í fulla hnefana.

Þar, eins og talibanar boða, ríkir ofræði karlmannsins. Konan fær ekki að fara út úr húsi nema bera blæju. Fæðing þeirra og dauði er svo ómerkilegur að það er ekki skráð í bækur. Stúlkubörn fá aðeins að lifa ef karlmanninum sýnist svo. Allt gengur út á að eignast sem flesta drengi sem geta haldið kúguninni áfram. Ef konu er nauðgað er hún hóra og grýtt til bana. Karlmaðurinn fær kannski orð í eyra.

Konan er hulin til að karlmenn geti haldið betur vörð um kynkvöt hennar. Síðan kaupa þeir stúlkubörn af fátæku fólki og hlæja á meðan þeir skemmta sér. Þeir eiga margar konur og óteljandi hjákonur, samt er það konan sem ber ábyrgð á lostanum.

Ég ætla að vitna orðrétt í Bókarauka B sem fjallar um lög í Saudi-Arabíu:

Hvers vegna er konum óheimilt að bera vitni í glæpamálum

Gefnar eru upp fjórar ástæður fyrir því að vitnisburður kvenna gildir ekki fyrir dómstólum í Saudi-Arabíu.

1. Konur er meiri tilfinningaverur en karlmenn og tilfinningasemin getur brenglað vitnisburð þeirra.

2. Konur eru ekki þátttakendur í opinberu lífi og hafa því ekki skilning á því sem ber fyrir augu þeirra.

3. Konur eru undir yfirstjórn karlmanna sem Allah hefur ákvarðað að séu þeim æðri; vitnisburður kvenna fer eftir því hvað síðasti karlmaður sagði þeim.

4. Konur eru gleymnar og ekki hægt að treysta vitnisburði þeirra.

Ég mæli með því að allir lesi þessa bók og geri það sem í þeirra valdi stendur til að uppræta kúgun og spillingu með fræðslu og réttlætisvitund.

Það sem þú vilt að aðrir gjöri yður skalt þú þeim gjöra. Kannski má fella þessa menn á eigin bragði með því að benda á staði í kóraninum. Hinsvegar er ég þeirrar skoðunar að það sé fátt hættulegra en fólk sem trúir í blindni á orð annarra. Sérstaklega orð sem voru skrifuð árið 650 og túlkuð af karlrembum árið 1744 sem bjuggu til grimmilegt refsingakerfi.


mbl.is Skýla sér bak við óbreytta borgara
Tilkynna um óviðeigandi tengingu við frétt

Meira svona :)

Þetta er svo krúttleg frétt að ég vildi óska að fleiri tækju sig saman um að gera eitthvað í þessum anda. Ég vona að allir leggi sitt af mörkum við að brosa framan í náungann, hvort sem þið eruð í Mosfellsbæ eða ekki.

Hér er bros til ykkar sem eru að lesa Grin


mbl.is Íslandsmet í hópfaðmlagi
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband