Skrifa undir og bæta svo við skilmálum???

Hvað ef við, sem einstaklingar, myndum skrifa undir samning og mæta mánuði seinna og vilja bæta einhverjum skilmálum við sem væru okkur í hag?

Það er fásinna að halda að það verði tekið gilt að samþykkja Icesave... en svo eru hérna nokkur atriði sem við viljum setja inn. Sorry, þið eruð búin að skrifa undir - okkur koma þessir skilmálar ekki við.

Það var skrifað undir í júní, með fyrirvara um samþykki Alþingis. Ef forsetinn samþykkir þetta líka þá er úti um okkur. Flestir sem ég hef talað við og hafa tök á vilja einfaldlega byrja nýtt líf í öðru landi. Bíða bara eftir að heyra hvað gerist næst. Sem þýðir að enn færri neyðast til að taka á sig þennan skuldahala sem nokkrir íslenskir einstaklingar skelltu á þjóðina áður en þeir flúðu reiðan almúgann.

Við getum haft áhrif með því að skrá okkur á www.kjosa.is og látið í okkur heyra fyrir framan Alþingi með kröfuspjöld og búsáhöld. Hver og einn á að bera ábyrgð á sínum skuldum og Alþingi væri hollast að koma með ráð til að losna við vextina sem sliga hinn almenna borgara, á borð við íbúðarlán og neysluskatta.

Öll verðum við að hafa þak yfir höfuðið, hafa í okkur og á út mánuðinn. Við eigum ekki að þurfa að velja... eða hvað. Er ríkisstjórnin vísvitandi að veikja krónuna til að neyða okkur til að taka upp evru? Er búið að lofa háttsettu fólki einhverjum sætum innan EES?

Semja verði aftur um Icesave

Athugasemdir

[Jón Bragi Sigurðsson, 29.8.2009 kl. 19:28]

Alveg sammála. Samningurinn hlýtur að eiga að vera eins og hann var þegar skrifað var undir hann. Get ekki ímyndað mér að Bretar og Hollendingar taki það gilt að búið sé að krukka eitthvað í hann.

Þetta hefur þann hugsanlega kost að það verði samið betur eða eins og ég vil; að við gerum alls engan samning heldur látum þá sem telja sig eiga inni peninga hjá íslenskum skattgreiðendum sækja það sjálfa með dómi. Eða það sem eðlilegast er; sækja það til þeirra sem stofnuðu til þessarra skulda þ.e. Björgólfana og kó.

[Kaffistofuumræðan, 29.8.2009 kl. 19:51]

Heyr, heyr - endilega að sækja þá til saka sem komu sér í þessari svimandi háu skuldir. Dómstólaleiðin er eina réttmæta leiðin í þessu máli.